Епідеміолоґічна сітуація в повязаню зо захворінём  COVID-19 ся в окресах Свідник і Стропків подля гіґіеніків згоршує. Як про TASR увела реґіонална гіґіенічка Гелена Гребенякова, головнов прічінов є низка заочкованость, котра не досягує ани 36 процент. ,,Далшов прічінов є побіт школярїв в школах.“ повіла Гребенякова. Все їм прибывають позітівно тестованы в повязаню з каром. ,,Векшу кількость позітівно тестованых сьме зазначіли і у робітників, котры ся верли з турнусовой роботы домів. Побіт в автї веце як пять годин приспів ку тому, же ся захворіня розшырило. Евідуєме і многы родинны епідемії, де захворіли вшыткы членове обыстя,“ додала реґіонална гіґіенічка. Подля пріматоркы Свідника Марцелы Іванчовой, реґуларно слїдують сітуацію з COVID-19 головно в школьскых заряджінях. Зарівно зрушыли подля єй слов театралне выступлїня, котре ся одбуде пізнїше, кедь ся злїпшыть епідеміолоґічна сітуація.

(TASR, Шутіова)