Пряшівскый самосправный край (ПСК) реалізує реконштрукції дальшых трас драг в окресі Бардейов. Проінвестує ту 3,7 міліона евр. Як про пресаґентуру TASR повіла говоркыня края Даша Єленьова, єдну з трас може докінчить скорше, як ся предпокладало. Край комплексно зреконштруує 5,1 кілометра довгу трасу драгы третього класу Гертнік-Клюшовска Забава в сумі 2,8 міліона евр. Од половины юна реалізують ся ставебны роботы і на 1,4 кілометра довгій трасі на дразі третього класу Комаров-Грабовец в сумі 927.000 евр і то з джерел ПСК. Роботы бы мали быти докінчены в апрілі будучого рока. (TASR, Pkf)