Од 5-го марца дав Ґрекокатолицькый молодежный центер Барка в Юсковій Волі часточне або довгодобе уквартельованя веце як 110-ом біженцям з Україны. Як інформовав говорця Пряшівской ґрекокатолицькой архієпархії Михал Павлищіновіч, дакотры зістали день, два і продовжовали в пути дале, іншы не мають де іти і хотять зістати на Словакії, покля не скінчіть ся война. Актуално є в центрі 45 людей, з того 26 дорослых і 19 дітей, котры мають укравртельованя і цілоденну страву. 9 школярів зачало од понеділька ходити до школы у Воронові над Топльов. Про діти в центрі зробили ізбу, де ся грають, матери можуть выужыти творчі ділні, де вдяка даром добродителів творять різны выробкы з вовны і полотна.

(Медвідь, TASR)