Кленова потребує выбудовати водовод
00
Кленова є русиньске село в Сниньскім окресі в котрім днесь жыє 510 обывателів. Хоч є то село вздалене лем 15 кілометрів од водного резервоара Старіна, якый додавать воду Кошыцькому і Пряшівскому краю, доднесь немають властный водовод. Як про наше інтернетове радіо русин.ФМ староста Кленовой Славоміл Волох повів, реалізація выбудованя водоводу і каналізації в селі бы їм наісно звышыла штандард жывота. Притім додавать староста Волох, же в данім реґіоні уж довгодобо боюють з недостатком питной воды. Спідні воды ся в реґіоні фурт знижують, і так автоматічно знижує ся вода і в їх студнях. Прото выставба водоводу є тым найважнішым проєктов про Кленовчанів, котрый бы хотіли што найскоріше в селі зреалізувати. (Пкф)
-
Назад / Nazad На Словакії дві школы, котры мають офіціалный статус – основна школа з навчаньом русиньского языка
-
Далше / Dalše Варголів музей в Меджілабірцях представить Пекелный мір