Вольбы до орґанів самосправы сел і міст 29-го октобра не одбудуть ся в трьох селах на выходній Словакії. Причінов є, же не быв поданый кандідачный список про вольбы до сельского заступительства, ани про вольбы старосты. Іде о Березовець в окресі Снина, Понґрацовці в окресі Левоча і Якушівці в окресі Стропків. Но і в тых селах люди будуть годны голосовати до орґанів самосправных країв, кедьже першый раз одбудуть ся споєны комуналны і жупны вольбы. В далшых штирьох селах на выході не будуть люди выберати старосту, але будуть выберати лем посланців. Іде о села Гараковці в окресі Левоча, Шарішскы Богдановці в окресі Пряшів, Старина в окресі Стара Любовня і Доброслава в окресі Свіндик.

(Медвідь, ТASR)