Ку 22-му октобру 2025-го року была із функціі директоркы Словацького народного музея – Музея русиньской културы (СНМ МРК) в Пряшові одкликана Люба Кралёва. Із позіції єй одкликала ґенерална директорка СНМ Андеа Предайнёва. Люба Кралёва была до функції директоркы СНМ – Музея русиньской културы выменована ку 1-му авґусту 2019-го року. Музей під їй веджінём зазнав позітівны зміны. Почало ся робити веце подій, а то нелем выставы, але і різны медайлоны особностей, бісіды, творчі варштаты ітд. До музея почали реґуларно ходити школярі і штуденты із різных школ. СНМ – Музей русиньской културы так само обновив і посилнив співпрацу із русиньскыма орґанізаціями. До того часу не є знамый новый директор або директорка.

(LEM.fm, Шутіова)