В понедільок 9-го юна проходило в Театрі Александра Духновіча в Пряшові фінале цілословацького конкурзу в декламації поезії, прозы, народного розповіданя, властной творчости і малых сценічных форм Духновічів Пряшів 2025. То уж 24-ый річник того конкурзу, котрый шторік орґанізує Русиньска оброда на Словеньску. Змагаючі ся были розділены у віковых катеґоріях 0 аж 5, і віковы катеґорії были пак розділены на жанры – поезія, духовна декламація, проза, народне розповіданя, властна творчость і малы сценічны формы. На фінале конкурзу до Пряшова поступили лем тоты, котры в окремых катеґоріях на окресных конкурзах были на першім місці. Довєдна тот рік на Духновічовім Пряшові выступило 99 змагаючіх ся. Лавреатков Духновічого Пряшова 2025 стала штудентка Ґімназії св. Йоана Залтоустого в Гуменнім Наталія Чагойова.

(Медвідь)