Місто Меджілабірці мать інтерес о народный проєкт Містны обчанскы службы. Місто так реаґує на вызву, котру выголосило Міністерство внутра Словацькой републикы в сполупраці с Урядом сплномоцненця влады Словацькой републикы про ромскы комуніты. Сполуфінанцована є з джерел Европского соціалного фонду. Проєкт надвяже на проґрам ромскых обчанскых глядок. З той нагоды меджілабірскы посланці дали згоду на предложіння жадости о ненавратный фінанчный вклад у вышкі нецілых 200 000 евр, як і забезпечіня сполуфінанцовання проєкту з властных джерел у вышкі 5 процентів з цілковых оправненых выдавків. Такым способом бы місто Меджілабірці хотіло окрім іншого дати роботу 8 чоловікам з марґіналізованых ромскых комуніт.
(Петро Кімак-Фейко)