Місто Стропків про епідемію заставило вшыткы новы інвестіції, котры мали іти з властного фінанцованя. Місто буде реалізовати лем планованы капіталовы інвестіції співфінанцованы з ґрантів, дотацій і еврофондів. Вытрату з прибытку за словами говорцю міста Петра Новака іщі в тім часі тяжко одгадати. Як повів, може быти така сама як в сусіднім Свіднику, то значіть од 300.000 аж по 1,3 міліона евр. Треба підкреслити, же іде о проґнозу з марца, публіковану Радов про розпочтову одповідність. (TASR, Pkf)