Од нового школского року 2020/2021 прибыли на Словакії дві школы, котры мають офіціалный статус – основна школа з навчаньом русиньского языка. Іде о Основну школі на Коменьского уліці і  Основну школу на Духновічовій уліці в Меджілабірцях. Владімір Противняк председа Містной орґанізації Русиньской оброды на Слованьску в Меджілабірцях то про аґентуру TASR  означів за історічный момент. Обидві основны школы, котры в місті суть, будуть такым способом мати русиньскый язык в рамках рядного навчалного процесу як предмет. Як далі Протівняк конкретізував, дотеперь ся на містных школах русьньскый язык учів лем у формі кружку, што ся од нового  школского року прінціпіално мінить. За інформаціями радія ЛЕМ.фм,  в Основній школі на Коменского уліці будуть мати од нового школского року русиньскый язык першокласници і другокласници. На  Основній школі на Духновічовій улиці ся затля русиньскый язык будуть учіти лем в першій класі. (ЛЕМ.фм, Pkf)