Новым ректором Універзіты ветерінарьского лїкарьства і фармації (УВЛФ) в Кошіцях бы ся мав стати Йосиф Надь, у функції вычерять дотеперішню ректорку Яну Мойжішову. У четверь о тім на своїм міморяднім засїданю вырїшив Академічный сенат УВЛФ. Надь быв два функчны періоды проректором про розвиток школы і годночіня якости. ,,Кандідат на ректора быв зволеный двойтретиновов векшынов голосів в першім колї волеб,“ увела говоркыня універзіты Зузана Бобрікова з тым, же академічный сенат передложыть пропозіцію кандідата на ректора міністрові школства. Нового ректора мусить выменовати презідентка. Надїв функчный період ся мать зачати 1. фебруара 2023.

(TASR, Шутіова)