Понад 60 декламаторів, котры скінчіли в окресных і областных колах цілословацького конурзу в декламації русиньской поезії, прозы, властной творчости і малых сценічных форм Духновічів Пряшів на першім місці, змагало ся вчера на фінале в просторах Театру Александра Духновіча в Пряшові. Лавреатом юбілейного 20-го річника конкурзу став Кевін Выравець із Основной школы Коменьского у Свіднику. Русиньска оброда на Словеньску, головный орґанізатор Духновічового Пряшова з нагоды юбілею конкурзу дяковныма грамотами оцінила і штирьох писателів а трьох педаґоґів, котры стояли при події од зачатку. Оціненыма писателями стали Йосиф Кудзей, Миколай Ксеняк, Штефан Сухый і Штефан Смолей. За педаґоґів ґрамоты дістали Власта Мороховічова, Марія Ґоцова і Івета Мелничакова.

(Медвідь)