Окрес Стара Любовня стратить можнoсть чeрпати реґіoналный фінанчный вклад. Тамтешній окресный уряд (ОУ) о тім інформовав на соціалній сіті потім, як Міністерство інвестицій, реґіоналного розвоя і інформатізації СР опубліковав на своїй вебовій сторинці список прійорітных окресів платный од новембра 2025-го року. Тот мінить список „найменше розвинутых окресів” і конкретно окрес Стара Любовня быв з нього вычеркнутый. Як дале конштатує ОУ, же даным рішіньом заникать можнoсть черпати про них реґіoналный фінанчный вклад, котрый в послідніх роках помагав многым селах, подникателям і обчаньскым здружіням при реалізації многых проєктів. ,,Про наш окрес, то значіть, страту важного інштрументу реґіoналного розвоя, котрый приспівав к поліпшіню інфраштруктуры, підпорі заместнаности і комунітного жывота,‟ додавать ОУ (Пкф, TASR)