Будова Основной умелецькой школы Александра Андреєвіча Любімова в Меджілабірцях перешла комплекснов обновов. Як інформовала самосправа, реконштрукція выразно понижать енерґетічну нарочность обєкту а злїпшыть условія про навчаня. Реалізована была в рамках плану обновы. ОУШ навщівує 332 школярїв в музічнім, вытварнім і танечнім одборї. Реконштруованый обєкт ся находить в центрї міста на Міровій уліцї а походить з року 1949. Будова за веце як 70 років екзістенції перешла лем бежнов удыржбов. Цїлём проєкту было головно понижаня спотребы енерґій і злїпшіня тепелнотехнічных властностей будовы. Обнова мать принести ушпору енерґії аж 86,8 процентра а приспіє ку понижаню емісій і злїпшіню якости воздуху.

(TASR, Шутіова)

Фото: FB/Mesto Medzilaborce-oficiálna stránka