Центрум про Україну у Факултнім шпиталю з поліклініков Й.А. Реімана (FNsP J. A. Reimana) у Пряшові є од пятниці зрушеный. Шпиталь о тім інформував на своїй інтернетовій сторинці. Як увів, зрушіня центра рефлектує на минутя достаточного становеного часу на інтеґрацію одыденців з Україны до словацького сістему здравотной старостливості. Як дале інформує шпиталь, же споминане центрум з прічіны солідаріты фунґовало довше як то было становене, але позераючі на зачатя выставбы нового шпиталю, стягованя одділінь і обмеджены капаціты уж веце не є можне го утримати в превадзкі. Центрум про Україну шпиталь превадзковав од апріля 2022-го року і помагало в нім при даваню здравотной старостливості одыденців з Україны. (TASR, ПКФ)