На шпорт, културу і соціалну область перерозділить Пряшівскый самосправный край (ПСК) цілково єден міліон евр. Жадателі ся можуть уходити о фіначны средства в двох вызвах, котры ПСК выголосив на предкладаня жадості о надані дотації на рік 2019. Представителі сел і міст, церькві, незисковы орґанізації, ґражданскы здружіня, подникателі ці правницькы і фізичны особы можуть пожадати о дотацію в рамках Вызвы представницьтва ПСК або Вызвы председу ПСК. Мінімална высшка дотації є 800 евр, махімална 5000 евр. Сполуфінанцованя проєкту є у высшкі 20 процентів одобреной дотації. Кандидаты о датацію можуть давати жадості на Вызву представницьтва ПСК до 15. фебруара а на Вызву председу ПСК до 31. авґуста 2019.