Публіка може подавати пропозіції на лавреатів Цїны міста Сабінов за рік 2024. Радніця на своїй сторінцї апелує на людей, жебы так помогли звидительнити тых, котрых робота і дїяня принесли успіх і добре мено місту. Цїна міста Сабінов ,,ся удїлює за поміч коло захраны людьскых жывотів і маєтку міста, за вынятковы творивы выконы, вызначны резултаты науковой, технічной, умелецькой, публіцістічной і верейнопроспішной дїялности, за досягнутя міморядных успіхів в розвитку міста, в ёго презентації дома і в загранічу а за выратованя і обнову културных памяток,“ приближыла радніця. Пропозіції мож послати поштов на адресу містьского уряду або електронічно до 21. марца. Близшы інформації суть опублікованы на вебовій сторінцї міста.

(TASR, Шутіова)