В селі Плавеч недалеко Старой Любовні выбудують нове інформачне центрум і обновлять приступ к тамешньому граду завдякы жрідлам з европскых фондів. Село через соціалну сіть інформовало, же ся їм подарило вєдно з польскым партнером Рабка-Здруй успіти з проєктом „Жрідла історії” в проґрамі Інтереґ Польща – Словакія. Як дале село інформує, же з 88 поданых проєктів перейшло лем шість а Плавеч є меджі нима. Вдяка тому здобудуть скоро 1,9 міліoна евр і в найблизшых роках їх чекать великый кус роботы. Обновлять і сприступнять град Плавеч. Прибудуть, наприклад, новы сходы, зреконштруують башту і дають екстензівну зелену стріху. (TASR, Пкф)