Сімулацію фунґованя ключовых інштітуцій Европской унії сі в Кошіцях в анґлицькім языку спробує 60 середнёшколярїв з цїлой Словакії. Выняткова навчална подїя ся зачала у четверь а буде продовжовати до недїлї (8.2.). Сімулація триуголника інштітуцій ЕУ вміщать Европскый парламент, Раду ЕУ і Европску комісію. Подїю орґанізує молодежницька незіскова орґанізація BETA Slovakia в кооперації з білінґвалным ґымназіём  Футурум. Цїлый проґрам ся одбывать в анґлицькім языку а наподобнює реалне фунґованя ЕУ. ,,Цїлём сімулації є приближыти молодым людём фунґованя европскых інштітуцій, посилнити їх крітічне думаня а зарівно розвивати комунікачны і дебатны зручности потребны в меджінароднім середовищу,“ інформовали орґанізаторы. Приготовленый супроводный проґрам мать підпорити нетворкінґ а меджінародный розмір цїлого зажытку.

(TASR, Шутіова)