Місто Снина хоче реконштруовати будову Матерьской школы Паларикова. Цільом заміру, котрый містьскы посланці схвалили на засіданю минулый тыждень, є наповніня гіґієнічных, тепелно-кліматічных і просторово-орґанізачных пожадавок на просторы школьского заряджіня. По схваліню заміру посланцями може місто запоїти ся до актуалной вызвы Міністерства внутрішніых справ заміряной на будованя і реконштрукцію передшкольскых заряджінь. В рамках реконштрукції ся має будова і затеплити а підняти капаціта матерьской школы з оглядом на схваліня повинной школкы про пятьрічны діти. Цільом має быти і рішіня безбарьєровости просторів ці выміна облаків. В припаді схваліня жадости о ґрант буде Снина співфінанцовати проєкт пятьома процентами.

(Медвідь, TASR)