Подля говорцю міста Бардейов Штефана Гія, была сітуація почас тестованя  на COVID-19 в неділю спокійніша, як в пятніцю і в суботу. Одберы ся реалізовали векшынов в екстерьєрі, при забезпечіню вшыткых гіґієнічных і протиепідеміолоґічных наряджінь, а то без жадных проблемів. Подобна сітуація была і в селах окресу, де приходило тыж менше людей на тестованя як в попередні дні. Як про пресову аґентуру TASR повіла Марія Храснікова з надрезортного комунікачного центра, в пятніцю было в Бардейові отестовано 6261 людей, з них было 191 позітівных. В суботу было отестовано 7341 людей а з них было 179 позітівных. (TASR, Pkf)