Тунел  Bôrik на автостраді D1 буде на дразі до Пряшова од днешнього  26-го юла  непереходный. Запертя тунела буде тырвати до середы 4-го авґуста. Як пресґентуру TASR інформовала Ева Жґравчакова з одділіня комунікації Народной автострадной сполочности, на причіні є обнова охранного натераня стін тунела, котре бы мало зліпшыти його сітуацію з освітліньом. Автострада буде частково заперта од крижоваткы Менґусівці по крижоватку Попрад, запад. Транспорт поведе по алтернатівній трасі од крижоваткы Менґусівці по дразі першой класы I/18 одклоном через місто Світ. (TASR, Pkf)