Школскый інтернетовый портал Пряшівского самосправного края (ПСК) www.kampo.sk є перед подаваньом приголошінь на середні школы (послідній час котрых є 20-го фебруара) приправленый помочі девятакам з выбером сучой середньой школы. В послідніх тыжднях перешов актуалізаційов отвореных дат і  фотоґалерій єднотливых школ. Портал ся замірявать на понукы едукації на середніх школах про актуалный і наслідуючій школьскый рік 2026/2027 в оточіню жупных школ з різным заміряньом, як є ґімназіалне штудіюм, техніка, строярьство, обход і службы, ґастрономія, ставебницьтво і транспорт, уменя і шпорт, педаґоґіка і здравотницьтво. Його частьов є тыж понука на жупны школскы інтернаты і дальшы школскы інштітуції, котрыма суть языковы школы і школа в природі під Татрами. Презентує тыж  портфоліо церьковных, приватных і далшых середніх школ на теріторії Пряшівского края. Кажда зо школ, такым способом, інформує інтересуючіх  з рядів основных школ окрім іншого о понукі своїх одборів, о своїх выгодах, традиціях і діятелности в рамках волного часу, ці о своїх проєктох і партнерствах. (TASR, Пкф)