Основна школа з матерьсков школов з навчалным языком русиньскым в Кленовій орґанізує Літературно-вытварный конкурз Рік русиньского языка про школярів матерьскых і основных школ, а штудентів середніх школ і ґімназій в Словацькій републіці. Заміром конкурзу є позітівно іншпіровати діти і школярів, жебы в своїх вытварных або літературных творах выразили свої чутя і постой к русиньскій културі, народу і русиньскій ідентіті. До конкурзу ся мож приголосити посередництвом властной авторьской літературной творчости на тему Русиньскы приповідкы (або бісідованя приповідок і пригод старых родiчів, прародiчів а наслiдно їх записати, може быти в латинiці), або поcередництвом вытварных творів, котры будуть зроблены будьяков техніков із слуханых любовольных звуковых mp3 награвок русиньскых приповідок, котры найдете на сайті радія русин ФМ. Штатут конкурзу, котрый є выголошеный од 10-го фебруара до 9-го юна 2025-го року майдете на інтернетовім сайті Основной школы з матерьсков школов з навчалным языком русиньскым в Кленові або на інтернетовім сайті інтернетовго радія ЛЕМ.ФМ. (ЛЕМ.ФМ, ПКФ)