Друга світова война была найвекшов погромов в історії і про село Плавеч на севернім Спіші. Домінік Лорек, котрый ся рокы занимать історійов села, в розговорі про TASR повів, же в януарї в 1945-ім року были в селі 24-ґрадусовы морозы і снігу пало по коліна, кедь ся в тамтешнім хотарї стрітли совїтьскы і німецькы вояци. „Фашісты одіты до білых уніформ прийшли до Плавча 18-го  януара 1945-ім року, кедь уж была червена армада близько Пряшова. Німці, котры уступовали, вышмарювали до воздуху мосты, жалізничны коляї. Люди з Плавча мусіли оддыйти зо своїх хыж, на хребтах і санках несли то найважніше, дакотры мали зо собов і коровы. Ґрупа чоловіків, котрым грозило, же їх Німці зоберуть зо собов, ся скрывали в лісі, другы обывателі были першу ніч в ґаздівскых дворах в часті Пастовник під градом,“ приближыв Лорек. (TASR, Пкф)