Ґімназія дукляньскых героїв у Свіднику стане орґанізачнов частьов містной споєной школы. Пряшівскы крайскы посланці о тім вырішыли на своїм засіданю в понедільок 8-го децембра. Подляхсваленого матеріалу буде од 1-го септембра 2026-го року ґімназія частьов споєной школы під назвов Ґімназія дукляньскых героїв, Обходна академія і Основна школа. Як повів ведучій Одділіня школства Уряду Пряшівского самосправного краю Ян Фурман, ґімназія мала ку 15-го септембру того року цілково 144 штудентів, што было нерентабілне. Із злучіньом ґімназії і споєной школы не быв згодный посланець за окрес Свідник Як Воок, котрый твердить, же ґімназія має свою історію і належыть до міста. Приніс петіцію, де мав сто підписів од родічів.

(Медвідь, TASR)