Ґувернер Ню Йорку Андрев Цуомо высловив пересвідчіня, же пандемія коронавірусу в тім америцькім штаті уж непохыбні кулміновала і достала ся до фазы пониженя. Інформувала о тім аґентура AFP. Штат Ню Йорк є в рамках США епіцентром пандемії коронавірусу. В суботу  нюйорьскы уряды наголосили найнижшый денный прибыток смертных пригод за выше два тыждні. Вчера ся їх чісло понижыло о дальшых пару десіаток – на 507. Сполучены штаты мають днесь найвецей потвердженых сітуацій інфікації новым коронавірусом і смертных пригод на світі: актуалні евідують уж выше 755.000 інфікованых і вецей як 40.000 мертвых. (TASR, Pkf)