Америцькый презідент Джов Байден телефоновав у віторок з німецькым канцеларьом Олафом Шолцом. Їх розговор дотуляв ся передовшыткым помочі про Україну, інформує аґентура DPA. Лідры їднали о своїй незломній підпорі Україны і одсудили російску аґресію. Діскутовали і о помочі, котра є про Україну прямена. Шолц і Байден вєдно телефоновали і перед нецілыма двома тыжднями а доїднали ся, же Україні заженуть бойовы возы піхоты. Німецько окрім того зачатком януара приобіцяло, же Україні дасть і сістемы противоздушной а протитанковой обороны Patriot.

(Медвідь, TASR)