Росія мусить заплатити за обнову того, што шеф Кремля Владімір Путін пошкодив на Україні, выголосив то вчера америцькый міністер заграничных справ Антони Блінкен в часі свойой навщівы Києва. Вашінґтон подля нього діспонує силов на сконфішкованя маєтку в США і поужыти го на поміч при обнові Україны, інформує о тім станіця BBC. Блінкен пришов на неоголошену навщіву Києва три тыждні по тім, як Америцькый конґрес по довгім одкладаню одобрив новый пакунок помочі про Україну у вышці 61 міліярд доларів. Одобрена поміч уж зачала приходити на Україну, причім дальшы додавкы суть на дразі, повів Блінкен по стрічі з україньскым презідентом Володимиром Зеленськым. (TASR, Pkf)