Шеф европской діпломації Жосеп Боррелл в неділю высловив важне знепокоїня над рухом російскый войск в близкости граніць з Українов і приобіцяв Києву незломну підпору Унії. Інформовала о тім аґентура AFP. На сіті Twitter Боррелл по телефонічнім розговорі з україньскым міністром загранічных діл Дмитром Дулебом написав, же з обавами Брусел слідує воєньску актівіту в близкости Україны. Унія за його словами підпорує суверніту і теріторіалну цілость Україны. Боррел інформовав, же о тім вопросі буде вести далшы їднаня зо шефом україньской діпломації і міністрами загранічных діл ЕУ на стрічі, котра одбуде ся іщі тот місяць. Міморядне знепокоїня зо сітуації высловив і брітаньскый премєр Борис Джонсон.

(Медвідь, TASR)