Британьскый премєрь Боріс Джонсон у вівторок по першый раз говорив з ірьскым председом влады Леом Варадкаром, котрого убезпечів, же як Британія одыйде з EÚ без договору, меджі обома країнами небудуть заведжены нову граничны контролі. Інформувала о тім аґентура AFP. Джонсон свойому ірьскому колеґові в телефонічній дебаті повів, же як Британія 31-го октобра зохабить Европску унію без догоды, „ниґда незаведе на границях фізичны контролі ани невыбудує інфраштруктуру“. Джонсон єдночасно повів, же Британія „без огляду на сітуацію“ перестане быти членом EÚ 31-го октобра, причім додав, же з хоцьякого договору мусить быти зліквідована тзв. ірьска поістка. (TASR, Пкф)