Булгарія вышле на граніцї з Ґреціёв і Турціёв 400 аж 700 вояків по тім, як булгарьскы уряды затримали минулый тыждень векше множство афґаньскых міґрантів без докладів. Інформовала о тім у четверь аґентура AFP. ,,Тиск на булгарьскы граніцї ся підвышує,“ повів то у выголошіню міністер обраны Ґеорґі Панаётов. Тоты членове озброєных сил подля нёго будуть робити охранну місію а поліції і жандарїм будуть помагати при ,,будованю барєр і моніторованю граніць.“ Як уводить AFP, Булгарія є єднов з головных транзітных країн про людей, котры пробують достати ся до Европы з Афґаністану а далшых країн Близкого выходу.

(TASR, Шутіова)