Білоросія схвалила пропозіцію закона, на основі котрого з  нагоды 80. выроча конця другой світовой войны удїлить амнестію тісячом арештантім. Інформовала о тім в середу білоросійка тискова аґентура BelTA, подля котрой бы ся амнестія могла односити на приближно 7630 особ. Людьскоправны актівісты твердять, же політічны арештанты не будуть перепущены. Мінск представив пропозіцію закона минулый тыждень на покін білоросійского презідента Александра Лукашенка. З той пропозіціá выходить, же амнестія буде удїлена тым, котры повно нагородили шкоду за свої злочіны а протягом свого тресту здобыли позітівну оцінку.

(TASR, Шутіова)