Ватікан і Оман надвязали діпломатічны одношіня. У четверь то в сполочнім выголошіню ознамили обидві країны. Стало ся так лем три місяцї по навщіві папу Франціска в реґіонї Перзского заливу. TASR справу перевзяла з аґентуры AFP. В штирём фарностях в Оманї в сучасности робить пасторачну актівіту 12 католицькых священиків. В країнї ся находить і ,,велике множство загранічных робітників”, уводить ся у выголошіню. Праві тоты творять векшыну оманьскых католицькых віруючіх. Іде головно о робітників з Близкого выходу, Філіпін, Індії і Пакістану. Аґентура AFP припоминать, же оманьскы католицькы фарности суть сучастёв Апоштольского вікаріату Южной Арабії, котра мать резіденцію в Абу Забі.

(TASR, Шутіова)