Україньскый   презідент Володимир Зеленскый вчера ознамив, же прияв позваня на сумміт ґрупы G7 в Німецьку і сумміт Североатлантічной аліянції в Мадріді. Обідві тоты події одбудуть ся в юні. Пресаґентура TASR справу перевзяла з аґентуры  DPA. “З вдячностьов єм прияв позваня партнерів на ключову меджінародну подію,“ написав Зеленскый на соціалній сіті Twitter. Додав, же німецькый сполковый канцелар Олаф Схулц го позвав на сумміт G7, котрый ся одбуде 26-го аж 28-го юна на замку Елмау в Баварії. На стрічі лідрів членьскых штатів країн NATO в Мадріді, котра ся одбуде 29-го аж 30-го юна го позвав знова ґенералный секретарь Североатлантічной аліянції Йенс Столтенберґ. (TASR, Pkf)