Серьбскый презідент Александар Вучіч в середу одказав штудентам, котры орґанізують противладны протесты, же не будуть мусіти довго чекати на предчасны парламентны вольбы, котры поважують за єдине рішеня політічной крізы в країні. Інформовала о тім аґентура AFP. Вучіч подля ньой не спомянув ниякый датум, коли бы могли быти вольбы выголошены, пише пресаґентура TASR. Серьбійов в сучасности одбывають ся протесты керувны штудентами. Суть реакціов на паджіня бетоновой надбудовы над вступом на желізнічну станіцю в місті Новый Сад. Ку тій траґедії дошло 1-го новембра 2024-го року і вмерло при ній 16 людей, векшынов штудентів. Часть серьбскых жытелів тоту траґедію споює з корупціов, яка в країні подля них вплыває на каждоденный жывот, діятельность владных інштітуцій і реалізацію ставеб. (TASR, Pkf)