Шеф европской діпломації Йосеп Боррелл днесь выголосив, же протів Росії бы мала быти выводжена одповідність, як буде надалей блоковати вывоз жывотні потрібного зерна з Україны. Пресаґентура TASR перевзяла справу з аґентуры AFP. Як Боррелл новинарям повів по приході на їднаня Рады Европской унії про заграничны справы в Луксембурґу, же ,,є непредставительне, же міліоны тон зерна суть заблокованы на Україні, затля што люди у звышку світа терплять голодом. Тото є насправды войновый злочін“.  Україна патрить к найвекшым продуцентом зерна на світі. Вывоз через україньскы прыставы ся шак з прічіны російской інвазії заставив. В силах є заблокованых высше 20 міліонів тон зерна, што выкликує страх з голодомору в зранительных реґіонох. (TASR, Pkf)