Будучність, цінности і пріоріты суть в центрі уваг глав штатів членьскых країн Вышеградской штирькы, котры ся днесь стрітли в Будапещі в рамках актуалного рочного председницьтва Мадярьска в тім зґрупованю. Самміт скликав мадярьскый презідент Янос Адер. До мадярьского главного міста пришов презідент Польщі Андрзей Дуда і словацька презідентка Зузана Чапутова. Презідент Чеськой републикы Мілош Земан ся к їднаню припоїв з Прагы через відеоговор. Подля діректора одбору комунікації Канцеларії презідента СР Йозефа Матея на двох пленарных засіданях будуть главы штатів діскутовати о дальшых 30 рокax вышеградского зґрупованя і о цінностях і пріорітах  в змінюючім ся світі. (TASR, Pkf)