Стовкы пензістів протестовали в понедільок в білоруськім головнім місті Мінск проти тамтешнього авторітарьского вождя Александра Лукашенка. Інформовала о тім аґентура Associated Press. Протестуючі несли червены і білы амбрелы і флаґы, котры стали сімболом протестів. Участників походу заставили поліцайны кордоны і наслідно їх розділили на меншы ґрупы, котры ся выбрали різныма напрямами. Подля людьскоправной орґанізації Вясна было в понедільок на протестах затриманых найменше девять людей. Од зачатя протестів по вольбах з 9-го авґуста уж были затриманы тісячі людей, многы были вдяка поліцайній бруталіті тяжко зранены.

(Медвідь, TASR)