Резіґнацію мадярьского премєра  Віктора Орбана і шефа його кабінету Антала Роґана жадало вчера вечур перед будіньсков резіденційов уряду влады коло 500 демонштрантів. Протівладный протест скликала подля сервера telex.hu опозичный рух Momentum у звязку з кавзов презідентьской амнестії про чоловіка замотаного до педофілной аферы. Презідентка Каталін Новакова і бывша міністерка справодливости Юдіт Варґова выводили свою політичну одповідность зо споминаной кавзы і одступили. Споминаный рух на Facebooku увів, же одповідны суть і Орбан, котрый є “вшемогучім паном“ сістему і Роґан “міністер пропаґанды, котрый діє мафіяньскыма методами“. (TASR, Pkf)