Посланці мадярьского Народного згромаджіня схвалили в понедільок 15-ту новелізацію Конштітуції, котра позволять зміну закона о згромаджованю. Новелізація дає пріоріту правам дітей перед правом згромаджовати ся, і закон о згромаджованю так наприклад уможнить заказати походы Pride. Подля сервера index.hu голосовати не хотіли посланці опозічных партій Демократічна коаліція i Jobbik, посланці руху Momentum нарушыли голосованя тым, же трубили. Посланці новелізацію наконець схвалили 140-ма голосами, 21 было проти. Окрім посланців владного блоку Fidesz-KDNP за пропозіцію голосовали і посланці Руху наша отцюзнина (Mi Hazánk Mozgalom).

(Медвідь, TASR)