Найменше сім людей прийшло вчера в Німецьку о жывот з причины выстраяня природы, конкретно прудкой бурї Хавєр, котра по севері державы засягла і дальшы области сполковой републикы. Як выпливать з інформації першого проґраму верейноправной телевізії АРД, много людей было з части жывотунебезпечно зраненых. Поліцайты і гасічі голосять стовкы выїздів. Матеріялны шкоды ся одгадують на рядово міліоны евр. Нарушена была непрерывность желізнічного і літецького транспорту, міського громадного, траєктового і річного траспорту. Розсяг нарушеня быв в дакотрых реґіонах абсолутный, так дійшло к охроміню або заставліню желізнічного транспорту поступово фактічно на цілій території державы. Гасічі в Берлині выголосили вынятковый став.
(Петро Кімак-Фейко)