В Росії ся в тых найоддаленішых областях зачали в неділю презідентьскы вольбы. Представителі волебной комісії послали гелікоптеры і сніговы скутры до найоддаленішых часті країны, абы вызберали голосы одовзданы пастирями собів і дальшыма жытелями. Тоты вольбы шак скоро наісно продовжать довгу владу Владіміра Путіна, пише аґентура AFP. Вольбы ся в решті Росії будуть одбывати в половині марца і одбывають ся в часі заказу крітізованя двойрочной російской інвазії на Україну і по смерьті опозичного лідра Алексея Навального в арешті на Сібірі. Росія орґанізує вольбы в скоршім терміні і на окупованых теріторіях Україны, котра то одсуджує як фрашку. (TASR, Pkf)