В італійскім реґіоні Лазіо, до котрого патрить і главне місто Рім, выголосили вчера заказ ночного выходжіня, котрый мать быти платный 30 днів. Опатріня было апліковане по рекорднім деннім звышыню чісла інфікованых, кедь в Італії прибыло выше 15.000 новых припадів, інформувала аґентура AFP. Заказ выходжіня меджі  23.00 год і  05.00 год містного часу буде в Лазії платити од пятниці вечера по час 30 днів. Реґіон Лазіо є в ряді третьов областьов Італії, в котрій аплікували дане опатріня в снажіню спомалити знову шыріню коронавірусу.(TASR, Pkf)