Голандія позаставила скіпіня вакцінов од компанії AstraZeneca
00
Голандія вчера з превентівных причін на два тыждні позаставила скіпіня вакцінов од компанії AstraZeneca. Інформувала о тім аґентура AFP з одкликаням ся на тамтешнє міністерство здавотницьтва. Міністерство увело, же позаставліня споминаного скіпіня рекомандував Голандьскый уряд про лікы по тім, як было в Данії і Норьску голошеных шість припадів “можного шкодливого діяня“ по поданю вакцінації од того британьско-шведьского выробцю. Дане опатріня буде діяти найменше до 29-го марця. (TASR, Pkf)
-
Назад / Nazad Чехія хоче денно заскіпіти аж 100.000 вакцін
-
Далше / Dalše Прага не увольнить рештрікції