Україна перестане од року 2025 транспортувати російскый плін на запад. В дебаті про розгласову станіцю Слободна Европа то повів  шеф україньской штатной енерґетічной компанії Нафтоґаз Олексій Чернишов. Інформує о тім аґентура DPA. Договор о транспорті з російскым Ґазпромом скінчить кінцьом рока 2024. Україна бы од нього мала одступити і скорше, главні прото, же Ґазпром неплатить за транзіт, як было договорене, увів Чернишов. Україна актуалні продовжує в його транспорті лем прото, же многы европскы країны суть іщі фурт залежны од російского пліну. (TASR, Pkf)