Підписаня договору о першій етапі мірового плану америцького презідента Доналда Трампа про палестиньске Пасмо Ґазы бы ся мало одбыти днесь. Увела то аґентура Reuters.  Приміря в палестиньскій енклавi бы, подля аґентуры, мало вступити до платности зразу по підписаню договору. Згоду з першов етапов мірового плану ознамив Трамп в середу і наслідно го потвердили і обідві стороны конфлікту – Ізраїль і палестиньскый мілітантный рух Гамас – котрый од понеділка непрямо їднать в Єґіпті. В першій тапі Гамас пропусть вшыткых рукоположників, затриманых в палестиньскій енклаві, а ізраїльскы силы ся стягнуть на договорену лінію. Станіця Sky News інформує, же ізраїльска армада бы ся мала з палестиньской теріторії стягнути в часі 24 годин од підписаня договору. (TASR, Пкф)