Презідент Польщі Анджей Дуда выразив у понедільок на соціалній сіті X знепокоїня над можливыма намагами спохыбнити резултаты презідентьскых волеб. Подля нього выникать чутя, же посткомуністічны і ліберално-лівіцьовы силы намагають ся перекрутити уж вырішены вольбы і обмеджіти демократічны права гражданів. Його высловы пришли в часі, кедь медії інформують о неточностях при рахованю голосів у дакотрых волебных комісіях почас другого кола презідентьскых волеб. У вольбах выграв кандідат підтримованый опозіційов Карол Навроцькый, другый Рафал Тжасковскый з владной Гражданьской платформы здобыв о 369 тісяч голосів менше. В єднім медіалізованім припаді мало в Кракові подля аґентуры PAP дійти зо заміны чісла голосів у записніці меджі кандідатами.

(Медвідь, TASR)