Цільом Европской унії є, жебы Европа до 2050-го року стала першым кліматічно невтралным контінентом. То головный одказ, котрый предсидателька Европской комісії Урсула фон дер Леєнова повіла в мені Унії в понедільок в Мадріді в рамках одкрываючого церемоніалу конференції Орґанізації зъєдиненых народів о зміні клімату. Шефка Европской комісії припомянула, же 11-го децембра на міморяднім пленарнім засіданю Европского парламенту в Бруселі комісія представить тзв. европскый еколоґічный договор. Проґрам подля їй слов має три головны пункты: нову стратеґію роснутя, мірятельный леґіслатівный ефект і благо про вшыткых.

(Медвідь, TASR)