Европска комісія із знепокоїням слідує вывой подій в Польску, головно в юстічній области, де пропонуваны зміны в назначіню судців найвышого суду выкликали у Варшаві могутні демонштрації опозиції. Знепокоїня ексекутівы Европской унії выкликала пропозиція закона з ділні посланців володіючой партії Право і справодливість, на основі котрого бы мали быти назначены лем тоты судцове, котрых до даной функцї досадив міністер справодливости.
(Петро Кімак-Фейко)